Rr. "Kozma Naska", Nr:33/6,
Elbasan 3001, Albania
Studimi global i klientëve nga Lufthansa City Center: Dëshira për të udhëtuar është e madhe
Nga 20 Maji deri në 12 Qershor 2020, LCC zhvilloi një studim mbi klientët e saj internacional. Një total prej 2,288 klientësh, (1,089 prej tyre klientë korporatash dhe 1,199 klientë për turizëm) nga 48 shtete morën pjesë. Shumica e klientëve vinin nga Europa perëndimore (36.10%), ndjekur nga Europa lindore (20.59%), Lindja e Mesme/Afrika (12.81%), Azia (12.36%), Amerika Veriore & Jugore (18.15%). Mes klientëve nga korporatat, 27% ishin menaxherë udhëtimi, 9% specialistë të prokurimit, 27% udhëtarë dhe 37% deklaruan se i përkisnin një fushe tjetër.
Qëllimi ishte të analizohej mënyra e të udhëtuarit dhe ndryshimet e nevojave të klientëve gjatë COVID-19. Rezultatet tregojnë se në të ardhmen, udhëtimet dhe takimet ballë për ballë nuk do të zëvendësohen me takime virtuale. Pavarësisht COVID-19, dëshira për të udhëtuar vazhdon të mbetet e madhe dhe kërkesa për të udhëtuar do të rritet në muajt në vazhdim.
Këto gjetje janë një lajm pozitiv për agjensitë e udhëtimit. Martina Groenegres, drejtoresha e menaxhimit në Lufthansa City Center International (LCCI) pohon se: “Agjensitë tona ndërkombëtare të udhëtimit LCC janë sfiduar jashtëzakonisht shumë gjatë javëve të kaluara. Ky studim i bërë te klientët tanë të LCC-së thekson një prirje pozitive dhe zbulon se kombinimi i një zgjedhjeje në rritje, paralajmërimet e reduktuara të udhëtimit, hapja e kufijve si dhe njohuritë eksperte të konsulentit individual të udhëtimit të LCC-së do të jenë thelbësore për klientët tanë”.
Për shumicën e të anketuarve, udhëtimi për arsye biznesi është i domosdoshëm. Tre të katërtat e të anketuarve besojnë se vëllimi i udhëtimit do të ulet me të paktën 50% në vitin 2020. Ndërsa për vitin 2021, rezultatet duken më pozitive: 38% thanë se vëllimi i udhëtimit do të jetë i njëjtë si në vitin 2019. Sipas shumicës së të anketuarve, zëvendësimi i udhëtimeve të biznesit me takime virtuale nuk duhet të merret fare parasysh: 83% preferojnë takime të vërteta dhe jo konferencave online.
Planet e udhëtimit pas COVID-19 janë gjithashtu shumë premtuese: 53% planifikojnë të udhëtojnë përsëri pas tre muajsh dhe 34% pas gjashtë muajsh, edhe pse me një buxhet të njëjtë apo më të vogël. Sipas të gjithë të anketuarve, udhëtimi ajror mbetet mënyra kryesore e transportit për udhëtimet e tyre për arsye biznesi.
Klientët e kohës së lirë kanë një dëshirë shumë të madhe për të udhëtuar. Pjesa më e madhe e kësaj kategorie po planifikon të udhëtojë brenda vitit 2020, ku 48% e tyre po planifikojnë të udhëtojnë në vendet e rajonit dhe në shtetet ndërkufitare, dhe 30% po planifikojnë udhëtime ndërkontinentale.
Disa klientë të kësaj kategorie mezi po presin udhëtimet që do të bëjnë ku 36% prej tyre synojnë të udhëtojnë pas tre muajsh dhe 32% pas gjashtë muajsh. Sipas më shumë se gjysmës së të anketuarve, ofertat e minutës së fundit janë gjithashtu një mundësi zgjedhjeje.
Pushimet në plazhe dhe qytete vazhdojnë të jenë shumë të kërkuara me respektivisht 62% dhe 54%, të ndjekura nga pushimet në fshat dhe pushimet malore, secila me 33%. Sa i përket mënyrave të të udhëtuarit, 90% e të anketuarve preferojnë udhëtimin ajror në vend të makinës së tyre 73%, dhe 68% dëshirojnë të qëndrojnë në një hotel.
Në të ardhmen, agjensitë e udhëtimit dhe ekspertiza e tyre do të kërkohen më shumë se kurrë. Martina Groenegres pohon se përveç teknologjive të reja, rëndësisë së produkteve të kujdesit, higjienës dhe shërbimeve të reja të sigurisë, ndryshim të madh përbën edhe marrëdhënia e besimit që eksperti i udhëtimit ka me kontakte lokale në mbarë botën.
Informacioni shtesë do të kërkohet gjithashtu. Për shembull, 50% e klientëve të korporatave dëshirojnë informacion mbi situatën e shëndetit lokal, shërbimin 24-orësh ose ndihmë në përshtatjen me udhëzimet e udhëtimit. 43% e klientëve të kohës së lirë janë të gatshëm të paguajnë më tepër për të pasur shërbimin e kërkuar për shkak të situatës së krijuar prej COVID-19.
Zbuloni qendrat e përfitimit të Elite Travel Group
Elite Travel Group është themeluar që në vitin 2000 dhe sot është një kompani udhëtimi mjaft e njohur në Shqipëri. Me misionin për t’u dhënë njerëzve më të mirën e Ballkanit dhe Europës Lindore, biznesi ynë është zgjeruar ndër vite. Tashmë ne kemi gjashtë qendra përfitimi, të cilat nuk ofrojnë vetëm shërbime për kohën e lirë, por edhe shërbime për udhëtime korporatash apo udhëtime biznesi në Shqipëri. Gjithashtu, japim edhe kontributin tonë në komunitet nëpërmjet iniciativave tona për përgjegjshmërinë sociale të korporatës.
Së pari, ne kemi Elite Travel Albania që ofron shërbim për ata që duan të vizitojnë Shqipërinë dhe Ballkanin vetëm për B2C (Biznesi ndaj Klientit). ETA ofron shërbime të përshtatura me tematika specifike dhe nisje të garantuara, ture, ekskursione, ekskursione në breg, transferta, makina me qira, programe luksoze dhe produkte të tjera me lidhje tokësore. Këto shërbime ofrohen në të gjithë Europën Lindore, vendet e Ballkanit dhe Shqipëri. Itineraret e hartuara me kujdes të Elite Travel Albania ju çojnë në pamjet klasike dhe në pikat kryesore më pak të njohura rurale. Pasioni dhe dëshira janë akoma në nivelin më të lartë.
Më pas, kemi Elite Travel Agency. Një operator turistik për shqiptarët që udhëtojnë jashtë Shqipërisë, veçanërisht në rajonin e Ballkanit dhe Europën Qendrore. Ajo ofron akomodim për qëndrime javore ose ditore, pushime fundjave, udhëtime kulturore dhe ekskursione ditore. ETAg gjithashtu ka ofertat e saj me cruiser të kontraktuar, për të cilat shërbimet e brendshme bëhen dhe operohen nga Elite Travel Group. Dhe së fundmi, ofron eksplorime me 12 udhëtime ndërkombëtare në 5 kontinente, 1 në çdo muaj. Kompania e mbështet punën e saj në një staf shumë profesional dhe me një eksperiencë të konsiderueshme në fushën e shërbimeve.
udhëtime biznesi
Qendra e tretë e përfitimit është Elite Travel Lufthansa City Center. Kjo qendër fitimi ofron shërbimet e saj për klientët shqiptarë, bizneset shqiptare, dhe gjithashtu korporatat ndërkombëtare. Këto shërbime përfshijnë bileta aeroplani, bileta trageti, shërbim vizash, akomodim, paketa turesh dhe transferta aeroporti. Elite Travel – LCC me një eksperiencë 20 vjecare në biznesin e udhëtimeve, tashmë është pjesë e një networku global Lufthansa City Center që njihet si kompania më e mirë dhe më e besueshme në tregun global të udhëtimeve, me rreth 5500 punojës, 650 agjensi në më shumë se 80 shtete në mbarë globin.
Për sa i përket menaxhimit të destinacionit për partner biznesi të huaj, kemi Elite DMC. Ajo ofron produkte turistike të tilla si: kontrata të veçanta akomodimi, udhëtime vajtje-ardhje, ture tematike, ekskursione dhe ture të organizuara, shërbime transfertash, programe luksi, MICE (Takime, Iniciativa, Kongrese dhe Evente), etj. Elite DMC ofron këto shërbime në të gjithë Europën Lindore, vendet e Ballkanit dhe Shqipëri. Për më tepër, qendra e përfitimit Elite Mobility ofron shërbime transporti, makina me qera, shofer me qera në Shqipëri dhe në Ballkan.
Kemi edhe Elite Academy e cila ofron trajnime dhe kurse (sidomos për industrinë e turizmit) të përqendruara në parimet e studimit të dyanshëm, teori dhe praktikë. Ky është një seksion jofitimprurës, por kompania po përfiton duke kualifikuar punonjës të rinj, të përmirësojë imazhin, ndërgjegjësimin dhe kulturën e kompanisë. Ky konsiderohet si një investim strategjik dhe afatgjatë. Elite Academy është e vetëdijshme për nevojën urgjente për një staf kompetent në shërbim të mikpritjes dhe ofron trajnime fillestare dhe të avancuara që përshtaten posaçërisht për nevojat e sektorit të turizmit dhe mikpritjes. Kurset karakterizohen nga një kombinim i trajnimit teorik dhe praktikës së drejtpërdrejtë.
udhëtime biznesi
Elite Coaching ndihmon sipërmarrësit, pronarët e bizneseve dhe profesionistët të rriten në mënyra të ndryshme. Ata zakonisht punojnë për të ndarë përshtypje vepruese, këshilla të personalizuara dhe plane rritjeje për klientët e tyre për të rritur të ardhurat e kompanisë, për të përshpejtuar karrierën e tyre ose për të nxitur dhe përshpejtuar rritjen e biznesit. Ajo që bën Elite Coaching është një transformim i qëndrueshëm dhe i zgjuar për rritjen eksponenciale të të gjitha industrive.
News /studimi global i klientëve Posted on 07 Aug 2020 Studimi global i klientëve nga Lufthansa City Center: Dëshira për të udhëtuar është e madhe Lufthansa City Center (LCC) është rrjeti më i madh i agjensive të udhëtimit në botë me më shumë se 570 zyra në 95 shtete. LCC është active si në sektorin e […]
News / qendrat e përfitimit të Elite Travel Group Posted on 15 Feb 2021 Zbuloni qendrat e përfitimit të Elite Travel Group Elite Travel Group është themeluar që në vitin 2000 dhe sot është një kompani udhëtimi mjaft e njohur në Shqipëri. Me misionin për t’u dhënë njerëzve më të mirën e Ballkanit dhe Europës Lindore, […]
Follow Us