Everlasting Experiences

Elite Travel Group njofton një partneritet të suksesshëm me NTLG/Ving & Spies, kompaninë kryesore nordike të turizmit, për të sjellë sa më shumë turistë nordikë në jugun e Shqipërisë duke filluar nga viti 2026. Ky bashkëpunim ofron mundësi të reja fantastike për hotelet, apartamentet, restorantet, aktivitetet lokale dhe bizneset në këtë rajon. Vetëm pak minuta pas hapjes së destinacionit, kanë filluar të bëhen rezervime!

Me hapjen e Aeroportit të ri të Vlorës në pranverë të vitit 2026, fluturimet direkte nga vendet nordike do të bëhen realitet, duke mundësuar udhëtime më të thjeshta për turistët nga Suedia, Norvegjia, Danimarka dhe Finlanda. Ky është një hap i rëndësishëm për turizmin shqiptar, duke ofruar një rrugë më të përshtatshme udhëtimi, duke shmangur kohëzgjatjen e gjatë të transferimeve nga Korfuz dhe Janina, në Sarandë.

Fluturime Direkte për në Vlorë: Një Hap i Madh për Turizmin Shqiptar

Nga qershori i vitit 2026, NTLG/Ving dhe Spies dhe linja e saj private ajrore, Sunclass Airlines, do të operojnë fluturime direkte për në Aeroportin e Vlorës (VLO) nga Stokholmi, Oslo dhe Kopenhaga, me mundësi edhe nga Helsinki. Ving do të jetë kompania e parë ajrore nga rajoni nordik që do të ofrojë fluturime direkte për në Shqipëri, duke e bërë këtë zhvillim një ndryshim të madh për sektorin e turizmit të vendit.

Ky rrugë e re do t’u mundësojë turistëve nordikë të fluturojnë drejtpërdrejt në bregun jugor të Shqipërisë, duke siguruar një udhëtim më të lehtë dhe më efikas. Ky zhvillim jo vetëm që do të rrisë turizmin, por gjithashtu do të zgjat sezonin turistik në rajon, pasi fluturimet do të operojnë tri herë në javë (të mërkurën dhe të shtunen) me qëndrime prej 7, 14 dhe 21 ditësh. Ky partneritet do të ndihmojë në maksimizimin e shkallës së mbushjes, duke i lejuar operatorët turistikë të zvogëlojnë ditët pa vizitorë.

Një mundësi e shkëlqyer për Turizmin në Jug të Shqipërisë

Partneriteti i Elite Travel Group me NTLG/Ving dhe Spies ka si qëllim të rrisë numrin e turistëve nordikë që vizitojnë jugun e Shqipërisë, duke parashikuar 20,000 vizitorë në vitin 2026, me një rritje të pritshme deri në 80,000-90,000 deri në vitin 2028. Ky parashikim varet nga cilësia e shërbimeve që ofrojnë operatorët shqiptarë, të cilët do të përmbushin preferencat e turistëve nordikë që kërkojnë më të mirën nga klima e mrekullueshme e Shqipërisë, kuzhinën tradicionale, mikpritjen dhe eksperiencat unike të bizneseve lokale.

Hapja e Aeroportit të Vlorës do të mundësojë akses më të lehtë në disa nga plazhet më të bukura të Shqipërisë, duke përfshirë ato në Vlorë, Orikum, Dhermi dhe Sarandë, dhe më pas do të zgjerohet në destinacione të tjera të afërta si Borsh, Himarë dhe Qeparo. Elite Travel Group e sheh këtë si një mundësi për të diversifikuar dhe zgjeruar ofertat turistike të Shqipërisë, duke e bërë vendin një destinacion tërheqës gjatë gjithë vitit për turistët nordikë.

Shqipëria një destinacion shumë i kërkuar nga turistët Nordik

Me mbështetje nga Ving & Spies dhe Sunclass Airlines, Elite Travel Group është e angazhuar të kthejë jugun e Shqipërisë në një nga destinacionet më të kërkuara turistike në vitin 2026. Ky bashkëpunim premton mundësi të jashtëzakonshme për të gjithë sektorët e industrisë së turizmit të përfshihen në këtë rritje të jashtëzakonshme.

Elvis Kotherja, CEO i Elite Travel Group, dhe Krist Dodbiba, Drejtues i Shitjeve dhe Partneriteteve, janë shumë optimistë për të ardhmen, me një qëllim për të tërhequr më shumë se 200,000 klientë nordikë nga 1 marsi deri më 15 nëntor deri në vitin 2030.

Ky sukses është një hap më afër vizionit tonë për ta bërë këtë rajon dhe Shqipërinë një destinacion gjatë gjithë vitit!

Linqe:

Ving.se Njoftim për Shtyp: https://via.tt.se/pressmeddelande/4195708/ving-forst-ut-att-lansera-direktcharter-till-vlora-i-albanien-till-sommaren?publisherId=1726617&lang=sv

https://www.dagensps.se/varlden/nu-kan-du-flyga-direkt-till-medelhavets-hetaste-budgetdestination/

https://www.travelnews.se/ovrigt/forst-i-norden-ving-lanserar-direktcharter-till-albanien-via-ny-flygplatsen/

https://erhvervsfronten.dk/pressemeddelelse/spies-lancerer-som-de-foerste-direkte-charterfly-til-vlora-i-albanien/

https://www.thetravelinspector.no/news/2025/12/18/fra-oslo-direkte-til-ny-vlora-flyplass-i-albania

Pjesa nga Emisioni “Histori Shqiptare”